![handyman_11](https://www.cambria-ltd.co.uk/wp-content/uploads/2020/07/handyman_11.png)
Peter Jackson
Cyfarwyddwr Rheoli
Mae Peter yn Beiriannydd Sifil yn ôl galwedigaeth ac mae ganddo dros 35 mlynedd o brofiad ym maes dylunio, adeiladu a chynnal a chadw. Ar ôl cyflawni rôl Rheoli Uwch mewn Llywodraeth Leol, ymunodd Peter â Cambria yn 2011, ac mae wedi bod yn Gyfarwyddwr Rheoli er 2019. Mae Peter yn teimlo’n angerddol ynghylch darparu’r gwasanaeth gorau ag y bo modd i breswylwyr Tai Wales & West, gan fanteisio ar ei brofiad o gyflawni amrywiaeth o rolau cleientiaid a chontractio uwch. Fel Cyfarwyddwr Rheoli, mae Peter yn gyfrifol am arweinyddiaeth strategol, datblygiad a thwf cynaliadwy y busnes. Mae hyn yn cynnwys archwilio pa wasanaethau ychwanegol y gall Cambria eu darparu a dal i fyny gyda galwadau’r sector cynnal a chadw tai sy’n newid o hyd. Mae Peter yn aelod o Fwrdd Tai Cymunedol Bron Afon ac mae’n Gyfarwyddwr Gwasanaethau Cymunedol Afon Cyfyngedig.
![handyman_11](https://www.cambria-ltd.co.uk/wp-content/uploads/2020/07/handyman_11.png)
Geraint Parry
Pennaeth Cyflenwi Gwasanaeth Cynnal a Chadw
Ganwyd a magwyd Geraint yn Sir y Fflint, Gogledd Cymru, a bu’n astudio peirianneg cyn cychwyn ar yrfa amrywiol yn gweithio yn y cyfryngau ac yna, yn rhedeg ei fusnes DIY ei hun. Mae Geraint yn blymwr cymwys a dechreuodd weithio i gontractwr lleol yng Ngogledd Cymru yn 2008 cyn ymuno â Gwasanaethau Cynnal a Chadw Cambria yn 2013, yn gyntaf fel Arweinydd Tîm ac yn nes ymlaen, fel Rheolwr Gweithrediadau. Bellach, mae Geraint yn Brif Rheolwr Gweithrediadau ac mae’n goruchwylio gweithrediadau fel rhan o dîm sy’n gweithio i ddarparu gwasanaeth o ansawdd i breswylwyr Tai Wales & West.
![handyman_11](https://www.cambria-ltd.co.uk/wp-content/uploads/2020/07/handyman_11.png)
David Milligan
Rheolwr Gweithrediadau
Ymunodd David â Gwasanaethau Cynnal a Chadw Cambria yn 2021 fel Rheolwr Gweithrediadau, gan ddwyn profiad sylweddol gydag ef o’i rolau blaenorol o fewn Grŵp MSS, gan arbenigo mewn gwaith cydymffurfiaeth asbestos, legionella, tân a radon. Cychwynnodd ei yrfa fel prentis saer coed yn gweithio ar safleoedd ac ym maes cynnal a chadw, cyn sicrhau gradd sylfaen mewn tirfesur a symud ymlaen i faes cydymffurfiaeth eiddo.
![handyman_11](https://www.cambria-ltd.co.uk/wp-content/uploads/2020/07/handyman_11.png)
Wayne Morris
Rheolwr Gweithrediadau
Cychwynnodd Wayne ar ei fywyd gwaith fel prentis lloriwr maen. Ar ôl cwblhau ei brentisiaeth, aeth i ymlaen i weithio i nifer o gwmnïau adeiladu mawr. Yn 2002, penderfynodd Wayne newid gyrfa, gan sicrhau gradd ym maes gwaith Ieuenctid a gwaith Cymunedol, wrth weithio gyda phobl ifanc ym maes adeiladu a’u helpu i sicrhau cymhwyster yn y grefft o’u dewis. Yna, ymunodd Wayne â Thai Wales & West fel Swyddog Rheoli Asedau, cyn cael ei secondio i weithio i Gwasanaethau Cynnal a Chadw Cambria yn 2011. Mwynhaodd weithio i’r cwmni gymaint fel yr ymgeisiodd am rôl Rheolwr Gweithrediadau parhaol.
![handyman_11](https://www.cambria-ltd.co.uk/wp-content/uploads/2020/07/handyman_11.png)
Gareth Perkins
Rheolwr Gweithrediadau
Mae Gareth yn hanu o Aberhonddu a symudodd i Ogledd Cymru ym 1972, lle y gorffennodd ei addysg. Cwblhaodd gwrs City & Guilds mewn Plymio, Gwresogi a Nwy wrth weithio i gwmni gwresogi lleol, cyn cyflawni sawl rôl gyda chontractwyr mawr fel gweithiwr nwy/gwresogi proffesiynol, a oedd yn cynnwys gweithio ar eiddo newydd. Mae gan Gareth brofiad o reoli darpariaeth gwasanaeth ar lefel leol a rhanbarthol ac ar hyn o bryd, mae’n Rheolwr Gweithrediadau ar gyfer Gwasanaethau Cynnal a Chadw Cambria yng Ngogledd Cymru.
![handyman_11](https://www.cambria-ltd.co.uk/wp-content/uploads/2020/07/handyman_11.png)
Leon Carrington
Rheolwr Gweithrediadau
Bu Leon yn gweithio i gontractwr lleol o 2008, gan astudio gyda’r hwyr a gweithio ar safleoedd yn ystod y dydd. Ymunodd â Gwasanaethau Cynnal a Chadw Cambria yn 2013 fel Gweithiwr Masnach ac mae ganddo brofiad o bob gwaith cynnal a chadw adweithiol ac wedi’i gynllunio, gan gynnwys gwaith addasu ffisegol, a drosglwyddodd i eraill pan symudodd ymlaen i gyflawni rôl Gweithiwr Masnach Arweiniol. Penodwyd Leon yn Rheolwr Gweithrediadau yn 2021 ac mae’n mwynhau sialensiau ei rôl newydd wrth iddo barhau ei yrfa gyda Cambria.
![handyman_11](https://www.cambria-ltd.co.uk/wp-content/uploads/2020/07/handyman_11.png)
Nicole Parsons
Rheolwr Gweithrediadau
Ar ôl cwblhau Lefel A, cychwynnodd Nicole ei gyrfa ym maes arfer pensaernïol, gan symud i Jewson, rhan o Grŵp Saint Gobain, lle y bu’n gweithio am 10 mlynedd gan sicrhau profiad helaeth ym maes caffael a chyflenwi deunyddiau. Ymunodd â Gwasanaethau Cynnal a Chadw Cambria yn 2011 fel rhan o’r tîm gweinyddu, gan symud ymlaen i fod yn Rheolwr Swyddfa ac yna, yn Swyddog Systemau Trwsio ar gyfer Tai Wales & West. Dychwelodd Nicole i Cambria fel Rheolwr Gweithrediadau yng Ngogledd Cymru, cyn trosglwyddo i swyddfa Caerdydd i ymgymryd â’r un rôl yn ei rhanbarth hi, De Cymru.
![handyman_11](https://www.cambria-ltd.co.uk/wp-content/uploads/2020/07/handyman_11.png)
Abigail Gaughan
Rheolwr Cymorth Gweithredol
Mae gan Abbie dros chwe blynedd o brofiad ym maes cynnal a chadw eiddo gyda’r sector tai cymdeithasol ac amrediad o gleientiaid masnachol. Ymunodd â Gwasanaethau Cynnal a Chadw Cambria yn 2020 fel Rheolwr Cymorth Gweithredol ac mae’n mwynhau gwneud gwahaniaeth i gymunedau ar draws Cymru trwy ddarparu gwasanaeth cynnal a chadw rhagorol i breswylwyr Tai Wales & West. Mae Abbie yn falch o fod yn rhan o ddiwylliant Grŵp Tai Wales & West, a arweinir gan werthoedd, ac sy’n gyrru popeth a wnawn yng Ngwasanaethau Cynnal a Chadw Cambria.